Ang biktima mao ang drayber sa Honda Wave nga walay plaka, samtang giila sa kapulisan ang giingong nakabangga nga drayber nga si Clark Davao Faunilan Cataquiz, legal ang edad ug residente sa Purok Sta. Lucia, Agdao, Davao City.
Base sa inisyal nga imbestigasyon, nagpadulong sa direksyon sa Maa ang Honda Wave, Suzuki minivan ug wing van truck, samtang ang taxi nga Toyota Vios nagbiyahe sa pikas direksyon padulong sa Panacan.
Pag-abot sa lugar, giingong direktang nabanggaan sa wing van truck ang Honda Wave, hinungdan nga naigo usab sa motorsiklo ang likurang wala nga bahin sa taxi.
Naigo usab ang likurang bahin sa Suzuki minivan.
Gideklarar nga walay kinabuhi ang drayber sa motorsiklo sa dihang miabot ang mga emergency responder sa 911.
Gidala sa Buhangin Police Station ang giingong suspek alang sa hustong disposisyon samtang giandam na ang kasong Reckless Imprudence Resulting in Homicide batok sa responsable.
📸 Buhangin PNP