Nadakpan sa kapulisan ang usa ka 30-anyos nga lalaki human giingong nangawat ug usa ka videoke machine sa Purok Santan, Luna Extension Corner Bangoy Street, Barangay Zone 3, Digos City adlawng Buyernes, Oktubre 2, 2026.
Sumala sa Digos City Police Station, alas 5:40 sa hapon dihang girespundihan sa mga pulis ang report bahin sa pagpangawat ug videoke machine.
Anaa lamang matod pa sa kilid sa tindahan nga gipanag-iyahan sa 60-anyos nga biyuda ang machine
Gikatahong usa sa mga customer sa biktima ang mikuha sa videoke machine.
Narekober gikan sa kustodiya sa suspek ang gikawat nga videoke machine ug nadakpan sa ang suspetsado.
Nagpabilin sa kustodiya sa Digos City Police Station ang suspek samtang giandam ang tukmang disposisyon ug pagpasaka ug kaso batok sa dinakpan.
📺 Digos PNP
Facebook Conversations