Base sa inisyal nga imbestigasyon sa kapulisan, ang insidente nanukad dihang ang Yamaha XMAX nga gimaneho ni MC Edgemir Gurtiza Escolano ug ang Yamaha Aerox nga gimaneho ni Jebril D. Matara nagbiyahe padulong sa Toril Proper.
Matud sa driver sa Yamaha XMAX, nakabantay siya sa usa ka Suzuki Raider nga giingong nag-counterflow ug kusog ang dagan.
Aron malikay sa posibleng bangga, miswerve kini paingon sa inner lane, apan naigo gihapon sa Suzuki Raider ang muffler nga bahin sa iyang motorsiklo.
Human niini, nabangga sa Suzuki Raider ang Yamaha Aerox. Tungod sa kusog sa impact, nalabay ang Suzuki Raider ngadto sa outer lane ug nabangga usab ang Honda XRM nga gimaneho ni Alfredo Estorba Suizo III, nga adunay angkas nga 23 anyos nga babaye.
Nasamdan sa insidente ang mga driver sa Yamaha Aerox, Honda XRM ug Suzuki Raider, lakip ang back rider sa Honda XRM.
Ang driver sa Yamaha Aerox gitabangan sa Emergency Medical Team 911 A-02 ug gidala sa Southern Philippines Medical Center (SPMC) alang sa medikal nga pag-atiman. Samtang ang driver sa Suzuki Raider gitabangan sa mga responder sa Barangay Lizada ug gidala usab sa SPMC.
Samtang, ang Yamaha Aerox ug Honda XRM gidala sa police station alang sa hustong disposisyon, samtang ang driver sa Suzuki Raider gikuha dayon sa iyang mga kauban.
Ang driver sa Yamaha XMAX niingon nga dili na siya mopadayon og reklamo kalabot sa kadaot sa iyang motorsiklo ug mihangyo nga i-record na lamang ang insidente alang sa dokumentasyon.
Facebook Conversations