Matud ni Tinasas sa iyang Facebook post, Sabado sa gabii, Setyembre 19, upat ka barangay kagawad ang misang-at og kaso ngadto sa Ombudsman batok sa kapitan tungod sa mga alegasyong Falsification of Public Documents, Dishonesty ug Grave Misconduct nga may kalabotan sa pondo ug listahan sa mga benepisyaryo sa TUPAD (Tulong Panghanapbuhay sa Ating Disadvantaged/Displaced Workers).
Sumala sa iyang pahayag, adunay P7 milyon nga TUPAD allocation niadtong 2020 ug P5 milyon niadtong 2021, diin giingong walay nahitabong payout ngadto sa mga benepisyaryo.
Matud pa niya, human sa imbestigasyon ug legal nga proseso, migawas ang desisyon nga adunay usa ka tuig nga suspension tungod sa Grave Misconduct ug Serious Dishonesty, lakip ang usa ka kaso ubos sa Article 171 sa Revised Penal Code o Falsification by Public Documents.
Giingon ni Tinasas nga dili sayon ang ilang desisyon sa pagsang-at sa kaso, apan ilang nakita kini isip responsibilidad sa mga napili nga opisyal sa pagpanalipod sa pondo sa gobyerno, ilabina ang mga pondo nga gitumong alang sa mga kabus ug nanginahanglan nga mga trabahante.
Dugang ni Kagawad Tinasas, ang TUPAD usa ka programa sa gobyerno nga gitumong sa paghatag og temporaryong panginabuhian sa mga displaced ug disadvantaged workers ug dili angay gamiton sa personal nga interes.
Gihangyo ni Tinasas ang mga residente sa Baliok nga magpabiling nagkahiusa ug mabinantayon alang sa kaayohan sa komunidad.
Si Liparanon, gipahamtangan ug usa ka tuig nga suspension nga wala'y sweldo subay sa nahimong hukom sa Ombudsman Mindanao.
Si Tinasas ang milingkod nga Kapitan mintras suspendido si Liparanon, isip Numero unong Kagawad sa Barangay Baliok.
Facebook Conversations